Бокъонаш лораерашта, кердача квартирий дӀоагӀаш дӀаделар
ГӀалгӀайчен бокъонаш лораеча болхлошта, иштта ГӀалгӀай Республике гӀолла йолча чурча гӀулакхий министерствон салоӀаш барашта а хӀанз болх беш барашта а, цар дезалашта кердача квартирий дӀоагӀаш дӀа дӀаделар, яхаш, дийцар «Сердало» газетага республикан МВД.
«ЛаьрххӀа кхетаче йолаш, ГӀалгӀай Республике гӀолла йолча МВД министра заместитела декхараш кхоачашдеш волча чурча гӀулакхий полковника Николаев Романа, даькъала а бувцаш, кердача квартирий дӀоагӀаш дӀаделар царна», - аьлар бокъонаш лораерий викалаша.
Ше къамаьл деш, цо белгалдир, министерствон кулгалхоша шоашта могар ду, вахара хьалаш хилийтара, денна дош кхоачашдеш, бокъонаш лораерий вахар тоадара терко еш, аьнна.
Цу кхетачен берригача доакъашхоша, шоай балха новкъостий даькъалабийцар; ираз, аьттув, могашал хилар ловш.
