«Таьрахьа урок» дӀайихьар дешархошца промышленностахи бувзамахи йолча министерство
Шолжа-Шахьарерча №1 йолча лицее дӀайихьар «Таьрахьа урок». Цига дакъа лоацаш бар республикерча таьрахьий технологех йолча министерствон къахьегамхой, иштта технологей оагӀонца болх бераш.
Из хоам бир «Сердало» газетага министерствон зарбан болх лелабераша.
«Министерствон кулгалхочун гӀонча волча Угурчанаькъан Исламаца, таьрахьий гӀулакх доаржадарах йолча юкъарча совета кулгалхочунца Баденаькъан Адамца, «Кхоанарча вахаре вуга билет» яхача проекта менеджер волча Оздой Орцеца хиннача къамаьлах чӀоагӀа салоӀам хинна, дукха лерхӀамедараш дайза бар лицея дешархой. Иштта цар аьттув хилар, таьрахьий дешарах йолча ӀТ клубе гӀолла экскурси е», - дийцар тхога министерстверча болхлоша.
Белгалде деза, «Таьрахьа урок» укх бетта 20-ча дийнахьа денз берригача мехка дӀахьош йолга. Карарча хана, 90 совгӀа дешархо цу проекте дакъа лоацаш ва.
