ГӀалгӀай мехка паччахьалкхен байракхаш Ӏохийцай, «Крокусе» хиннача хатарца дувзаденна
ГӀалгӀайче паччахьалкхен байракхаш Ӏохийцай, иштта еррига салоӀама кхетаченаш юхаяьхай, Красногорске хиннача хатарца дувзаденна. «Крокус Сити Холле» террористий бӀехача гӀозаро дукха нах боабир, цу юкъе бераш а долаш. «Крокус Сити Холле» чубаьннача террористаша, меттахьа герз детташ, боабир маьрша нах, из чӀоагӀа Ӏеткъад республикан бахархошта.
«Тхо тешаш да, терристашта цхьаккха тайпара бехказло хила йиш яц», - аьлар, из зулам нийсденнача хьалхарча сахьаташка, Келаматанаькъан Махьмуд-Ӏаьлас.
Мехкага ена сагото екъаш дола йоазош хьалтехар, ГӀалгӀайчен доазон тӀарча гойтама моттигашка. Мехка бахархоша, шоаш цу хьале массехказа нийсбенна хиларах, дика кхетабу «Крокус Сити Холле» нийсбеннарий гаргарча наьха дег чура бала.
ГӀалгӀайчен массадолча адамашта, кхычарца цхьана таьзет да из.
Москована юхе нийсденнача хатаре байнараш тӀеххьарча хоамах 93 саг ва, уж кхы а тӀакхеташ латт. Из хатар даьча нахах 11 саг хьалаьцав, цу юкъе 4 террорист а волаш. ФСБ юкъарача бувзама Центре чӀоагӀдир, террористий бувзам украинаца хиннилга.
