Укх шера хьажол де болхарий каьхаташ дӀачуийду ха йӀаьхъяьй
2024-ча шера хьажол тӀерадаккха баха лаьрхӀарий каьхаташ дӀачуийду ха хьатӀабоагӀача бетта 15-ча денга кхаччалца хургья. Из хоам тха «Сердало» газетага бир мехка кабмино.
«15.04.2024-ча шера ханага кхаччалца хургья каьхаташ дӀачуийду ха. 1300 я вайна къоастаяь моттиг, таханарча дийнахьа дӀалаьца моттигаш - 1200. Хьажол де лаьрхӀа вола кхы а 200 саг доазол дехьавала бокъо луш долча паспорташка хьежаш ва.
Рамадан бутт йистебоаллашехь, дӀаболабергба хьажол де болхарашта маьхий тохаш бола, тоабаш къоастаеш бола болх», - йоах тхогарча хоамо. 25.05.2024 шера, 21.07.2024 шера «FLY BAGDAD» яхача авиокомпане фецарча кемашца дӀакхоачабергба цу езача моттигашка вай бахархой. Маршрут - Магас-Медина, Джидда-Магас.
Из беркате гӀулакх кхоачашде укх шера латта маьхаш - (кхоачача кхаччалца ю рейс) - 5500 доллар, (кхыча хӀаманна дӀатӀаховшаш бахар) - 4800 доллар.
