13 км совгӀа бола никъ тоабеш латт вай мехка
15.11.2023 09:19
«Боккха никъ Кавказ - Илдарха ГӀала - Юкъера Ачалкхе - ГӀайрбика-Юрт» яха 13 км совгӀа никъ тоабеш латт вай мехка наькъий гӀулакхех йолча министерствон болхлоша, боккха болх дӀахьош.
Таханарча дийнахьа дикка гаьнабаьннаб уж, цу даькъ тӀа къахьегаш. «Сердало» газетага из хоам бу наькъаш тоадерий министерстве. Цу оагӀонна кулгал деча Хаматхананаькъан Батыра тӀахьожам беш, дӀахьош ба из болх. Йиллача ханал хьалха тоабаь бала мегаш ба, Дала аьннадале, бувца никъ.
«10 км доазон тӀа шозза булаш, асфальта-бетона никъ биллаб. Йисача моттиге гӀуми кхереи тоссаш, никъ Ӏобилла кӀийле кийчъеш боахк», - дийцар тхога министерствон къахьегамхоша. Из болх дӀахьош ба «Кхераме доаца дика наькъаш» яхача проектага гӀолла.
