Нах бахача моттигашка газ йоацача, из чуйиллара программа дIахо кхоачашъю
ГIалгIайчен МагIалбика кхале, дIа ца кхоачаш йисача газ чуюллаш латт «Газпром межрегионгаз Наьсаре» яхача компане лаьрххIа йолча программах. Долакоара Висаитова, Шерипова урамашка карарча хана лаьрххIа йола ши тоаба я газ чуюллаш. Из чуйиллара дIоахал 480 метр да, цо таро хулийт моттигерча бахархошта шоай вахара хьалаш тоаде.
«Цу урамашкара болх кхоана йистебаргба. ДIахо юрта болх беш хургья уж балха тоабаш, шоаш оттаяьча план-графиках. Газпрома викалаша беррига а бе лерхIаш бола болх ба 90 дехарах йоагIаш йола газ дIатIахоттар, из я керда баха ховшаш болча наха шоай цIеношка чухьош йола газ. Карарча шера Дола-коа 7 километр газ чуюлларгья», - аьлар «Сердало» газетага МагIалбика кхален администраце.
Белгалдаккха дезаш да, 2022 шера денз, газ дIатIахоттара йолча лаьрххIача программах 23 километр газ чуйиллай, из юкъера дIалаьрхIача бе безача балхах 75 процент я.
Из бахьан долаш, юртхой таро хилар газаца Iалашо яра йолча керттерча системах шоай газ дIахотта, ший аргIагIа цо таро хулийт цIеношка йоагаеча газах бола мах Iаьдала кIезигIа бала.
