Гӏалгӏай мехка болх дӏахьош ба, кашамаш тоадеш
Гӏалгӏай мехка дӏахьош ба кашамаш тоадара боккха болх. Карарча шера дика гӏулакхаш лоаттадеча «САФМАР» ганза проектах ерригача республике гӏолла тоаде лаьрхӏад 20 бусалба наьха а, иштта эрсий а кашамаш.
Мехка кулгалхочо Келаматанаькъан Махьмуд-ӏаьлас белгалдир, уж тоадара юкъедолхаш хилар кхыдола балхаш а, гонахьа карт яр, такилгаш дахкар. Проекта чудоагӏаш, иштта хьакхоллаш да цу кашамашта тӏадолхаш дола наькъаш, хьалъеш я саг дӏаволлаш леладеш дола гӏирсаш лоаттаду гӏишлош.
«Баркал ала лов дика гӏулакхаш леладеча мецената Гуцаранаькъан Микаила, «САФМАР» ганза, цар мах баь варгвоаца дакъа цу балха юкъедарах. Цхьана вай лораду дин, культуран мах бараш», - аьлар Мехкадас.
2023 шера денз, Гӏалгӏайче тоадаьд 80 совгӏа кашамаш, цу юкъе 60 бусалба, 10 кераста наьха.
