Йоал дӀа ца телаш, болх беш йола моттигаш гучаяьхар вай мехка
Ӏаьдала бокъонаш лора ца еш, йоагӀаш йола йоал дӀателаш боацаш, къахьегараш гучабоахаш болх дӀабихьар вай мехка. Эбарга-Юртарча 12 моттига хьал тахка лаьрхӀар араяьннача комиссе. Из хоам «Сердалога» бир Шолжа-Кхален администраце.
Комиссена юкъе бар Эбарга-Юртарча, Шолжа кхалерча администрацей болхлой, прокуратурера, йоал ийеча оагӀонгара викалаш.
«ДӀабихьача балхо гучадаьккхар, 7 моттиге Ӏаьдало оттаяь бокъонаш лора ца еш къахьегилга, 5 моттиг дӀаязъяь йоацилга.
Иштта гучадаьлар, Шолжа кхален хий бӀехдеш, бокъо йоацача моттигашка нувхаш Ӏокхувсаш воча баьннилга.
Харцача новкъа баьннарашца къамаьл дир, шоаш болх беча моттигашкара хьал боаггӀача боараме хилийта, йоал ийеча моттиге дӀачӀоагӀле, болх беча моттигашта гонахьарча доазонаш тӀа лостам бе, аьнна.
ДоагӀача гӀод тохаш, де дезар хьалхадоаккхаш, дӀахьоргба из болх Ӏаьдало дӀахо», - дийцар тха газетага Шолжа кхален администраце.
