ГӀалгӀай мехкара лоархӀаме никъ дӀахо тоабеш ба
Тоабеш ба «Боккха никъ «Кавказ»-Наьсаре-МагӀалбик-Лохера Къаским-Тирк» яха никъ, из ба 5 километр бӀаьха, яхаш, хоам бу ГӀалгӀай Республикан наькъашдехкарий зарбан болх лелабераша.
Ши километр даькъ тӀа кӀал кийчо яь яьннай, хӀанз цига Ӏобуллаш ба боккха жагӀа юкъе бола асфальт.
Цунца цхьана, юхейисача кхаь километра тӀара къаьнара асфальт хьал а боакхаш, иштта боккха жагӀа юкъебохийташ асфальта никъ Ӏобилла кийчлуш ба. Из беррига болх йистебаьнначул тӀехьагӀа, зӀамагӀбола жагӀа юкъе а бохийташ, асфальт Ӏобулларгба. Болхлой тӀатеӀӀа шоай болх дӀахьош ба.
Деррига балхаш дӀахьe графиках йиллача хана», - аьлар ГӀалгӀай Республикаy машина наькъа министра Хаматхананаькъан Батыра. Белгалду, из никъ тоабеш ба, «Кхерамзлен дика наькъаш» яхача къаман проекта чубоагӀаш.
