БӀаьсти дувш дола ялаташ чуэцаш латт
Мехка юртбоахама Министерстве аргӀанара кхетаче дӀайихьар паччахьалкхен предприятей кулгалхоша. Керттерча дешаех цаӀ дар; бӀаьсти дӀадувш дола ялат, коартол, баьцадаараш чуэцар, яхаш, дийцар «Сердало» газетага ГӀалгӀайчен министерствон зарбан болх лелабераша.
«2024 шерара ялат дӀадер вай мехка йистедаьннад. ХӀанз укх сахьате чуэцаш дар тӀехьа кхачаш дола ялат да: хьажкӀаш, гидуаргаш, даьттакхеш, коартолаш, баьцадаараш. ХьажкӀаш, 20 603 гектара тӀа дӀайийначарех,14 503 гектар чуийца яьннай, фуалъяьхай 62 463 гектар, юкъера хьувкъам гектара тӀара 43 центнерга кхоач.
Коартолаш, чуэца езараш, 1359 гектар я, царех чуийца яьннай 1 335 гектар, планах чуэцаргья 30 125 тонн, юкъера хьувкъам гектара тӀара 240,5 центнер йолаш. Дийллача лаьтта дӀадийна баьцадаараш чуийцад 511 гектара тӀара, план кхоачашъяьй 8 161,8 тонн, юкъера хьувкъам хилар гектара тӀара 183 центнер. Ги дуаргаш чуийцай 2 114 гектара тӀара, 2 325,4 тонн, чхьовга-1250 гектар, лаьрхӀар-1375 тонн яр, нагахьа 11 центнер гектара тӀара хуле. Ялат чуэцара юкъеяьккхай 592 техника», - аьлар кхетаче предприятей кулгалхоша. Гурахьа дӀахьош дола кхашкара балхаш дӀадахьара эшаш мел дар долаш да.
ВӀашагӀкхетар дӀахьош, иштта дийцар республикан боахамашка зе ду дийнаташ дукха хиларах, уж доаде дезарах, иштта ГУПа боахамашка дӀахьош долча балхашта юкъе нийслуш дола цхьацца хаттараш а.
