ГӀалгӀай къаман
юкъара газет

Кердадараш

Къаман пандараш локхарий фестиваль хургья вайцига

IV-гIа республикан фестиваль дIахьоргья Йовлой Ахьмада Клавдияй цIерагIча къаман кхоллама цIено, бе-бе пандараш локхача артисташа дакъа лоацаш, оагIой бетта 23-ча дийнахьа. Из фестиваль могаяьр я мехка культуран министерство, цIихезача гIалгIай артисткай, композитора кхоллам биццабара тIахьехаш я из. Цо йитай къаман культуре, искусстве йицлургйоаца лар.

«Фестиваль дIаяхьа кийчо еш да ГIалгIайчен кхоллама цIа. Оаха тIахьех къаман ашараш езараш, цу юкъе дакъа лацара. Фестивала доакъашхой хургба, хинна баьнна иллиалархой санна, къона халхарчаш а. Уж кийча ба шоашта ховш дар совдаккха, шоай кхолламца гулбеннараш гIадбига, цецбаха. Фестивала доакъашхоша гойтаргья илли алара говзал, цар иштта шоай новкъосташца декъаргда шоашта ховш дар, къаман ашарий культура дегIайоалаяра кердадараш довзаргда», - аьлар «Сердало» газетага РДНТ кулгалхочо, ГIалгIайчен културан цIихезача болхлочо Котанаькъан Марема.

Цар болх беча шерашка, из фестиваль керда начIал лахара дика майда хиннай. Цо таро лу ашараш езарашта къаман пандара оаз, начIал дола иллиалархой бовзийта. Цудухьа цига дицлургдоацаш хоза хьажар хургда хьабаьхкача хьаьшашта а доакъашхошта а, хIаьта керттердар - къаман ашарий кхоллам лорабара новкъостал хургда цох.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде