ГӀалгӀай мехка кхадж тоссаргба, тоае еза юкъара моттигаш хоржаш
07.04.2025 16:38
ГӀалгӀай мехка, бекарга бетта 24-ча дийнахьа денз, кхадж тасса болалургба хьатӀадоагӀача шера тоае еза юкъара моттигаш хоржаш. Из болх дӀахьош ба; «Дика шахьара хьалаш хьакхоллар» яха федеральни, «Ваха хьалаш» яха къаман программаш кхоачашъеш.
ДӀадахача шера, республике 23 моттиг тоаяь яьлар, цу юкъе ерригача юрташкара сквераш, паркаш, урамаш, ковнаш а долаш.
«Из кхадж тассара болх дӀабахьа доккха новкъостал ду волонтёраша.
ДӀадахача шера 800 совгӀа лоӀамхо новкъостал деш хилар бахархошта кхадж тасса, доазонаш харжара йола бокъонаш йовзийтар», - аьлар ГӀалгӀай Республикан кулгалхочо Келаматанаькъан Махьмуд-Ӏаьлас.
Кхадж тассара наькъо хьахоржаргда тоаде деза доазонаш, уж юкъедоаладергда 2026 шера тоадечарна.
