Из дукхача даькъах латташ йола фестиваль Наьсаре дӀайолалургья лайчилла бетта юххье. Укхаза дакъа лоацаш хургба ГӀалгӀайчера, Нохчашкахьара, Къилбаседа ХӀирийчера артисташ; из дӀахьош иштта дакъа лоацаш хургба Приморски краера, Удмуртера, Татарстанера, Московски, Владимирски областера хьаьший. «Халкъашта юкъера дукхача жанрех латташ йола «Дошо аьрзи» яха фестиваль-яхь лаьрхӀа я массайолча искусствашта юкъе кердараш дахьара: ашараш, халхараш, иллеш, театр, исбахьален, кхыдараш. Цига дакъа лацара тӀахьех Россера, кхыча мехкашкара кхоллама тоабаш, солисташ, массайолча жанрай ансамблаш», - аьлар «Сердало» газетага ГӀалгӀайчен культура министерстве. Фестивала новкъостал деш я ГӀалгӀайчен культура министерство, культуран Московски паччахьалкхен институт.