Нах тӀаэцаш дола кӀира дӀахьоргда, ЖКХаца дувзаденнача хаттарех
16.10.2023 10:40
Укх бетта 30 дийнахьа денз лайчилла бетта 3-ча денга кхаччалца, «ЦаI йола Росси» яхача моттигерча парте нах тIаийбеча моттига кулгалхочо мехкахой тӀаэцаргба. Республикан бахархой таро хургья, шоай ЖКХаца дувзаденна мел дола хаттараш дахьаш цига хьабахка.
«ГӀалгӀайчен бахархой хаттарашта жоп лургда Россе сенатораша, депутаташа, мехка паччахьалкхен исполнительни Ӏаьдала викалаша, партнерий-организацей викалаша», - аьлар «Сердало» газетага «ЦаI йола Росси» парте кулгалхочо.
Вахара-коммунальни хьашташ - из ба хӀара сага боахам. Юрташкара хьал вӀашагӀдоллар, наькъаш тоадар, коммунальни хьалех дӀалуш бола мах къаьгга хилийтар массахана а юртахой оагӀорахьара хулаш дола хаттараш да. Цудухьа цу дерригача хаттарашта жоп дала дагахьа тӀаэцаргба уж единороссаша.
