ГӀалгӀай мехка дӀахьоргда юкъара къахьегама шоатта
ГӀалгӀай мехка тушола бетта 22-ча дийнахьа дӀадолалу республикан юкъара шоатта ди. ГӀалгӀайчен кулгалхочо Келаматанаькъан Махьмуд-Ӏаьлас мехка Паччахьалкхенна тӀадиллад; хӀанззе цу денга кийчле, аьнна.
Шоатта денна дӀахьоргболча балха юкъе дакъа лоацаш хургба моттигашкара доал ду хьакимаш, Ӏаьдал. ХӀара вахархо таро йолаш ва цу балха юкъе дакъа лаца.
Бехктокхаме мел болча наха декхараш хӀанззе а тӀадаьхкад: шахьара, кхален кулгалхоша вӀашагӀболла беза урамашка, скверашка, паркашка, хин моттигашка, юкъарлон моттигашка лостам бергбола болх. Министерствоша гонахьара доазош кийчде деза, автодора Министерствос лостам бергба федеральни, мотигашкарча наькъашка.
«Укх бетта даь дикаш дукхача маьха дӀаяздергда. Мархий бутт даарах юхакхеташ бола бутт хинна а ца Ӏеш, нах дег чура цӀенлуш бола бутт ба, иштта вайна гонахьа а хила еза цӀена», - аьлар Мехкадас.
