Ерригача Россе къахьегама шоатта дӀадахьа арабаргба вай мехка
07.04.2025 14:21
Укх бетта 26-ча дийнахьа, Ерригача Россе къахьегама шоатта дӀадахьа араяргья Россе массайола моттигаш. Юстара юсаргьяц цу беркатеча гӀулакха вай республика а.
«100 шу совгӀа ха йолаш да тушола беттара къахьегама шоатта. Экологе хьал лораду из болам цу хана денз хьаллоацаш хьабоагӀаш ба Россе массайолча моттигашка»,- белгалдир вай мехкадас Келаматанаькъан Махьмуд-Ӏаьлас.
2024-ча шера 2000 совгӀа бахархой арабаьлар сквераш, паркаш, цӀеношта гонахьара моттигаш цӀенъе. Укх шера а иштта барттайна бӀаьстанара лостам дӀабахьара тӀахьех вай Мехкадас республикера бахархой.
