«Вай турпалхой бицбе йиш яц, уж даим адамий дегашка хургба, иштта тӀехьа тӀадоагӀача ноахалашта масал а хургда. Къаьстта иштта турпалхой бар подполковник Боканаькъан Мустафа, гварде капитан Хамхой Адам, венначул тӀехьагӀа РФ Турпалхо аьнна цӀи енна подразделене капитан Мержой Салам,тӀема бӀухой Барханой И. Б, ЧӀинхой И. В., иштта кхыбараш а. Кхетаче дӀахьош хинначо дешархошта довзийтар СВО даькъ тара кердадараш. Тха кхетаче тӀаерзаяь яр, лаьрххӀа йола тӀема операци дӀахьош байна вай бӀухой биц ца бара, иштта син-эздела кхетам балара, Россе лерттӀа шоай Даьхе езаш, мохк безаш бола нах кхебара. Библиотекан болхлоша «Вайна уллув бахаш бола турпалаш» яха гойтам кийчбаьбар, цо дувцар Украина даькъ тӀа къаман моастагӀашца дӀахьош болча тӀемах», - аьлар Долакоарча культуран цӀен кулгалхочо АлероевгӀар Билала.