«28 сага мехка дӀахьош хиннача кхетачене дика дакъа лаьцар. Уж 12 шу даьнна а 16 шу даьнна а бола кагирхой бар. Ши сахьат ха елар царна, республикан къаман культуран белгалонаш юкъе йола проект оттаяра.

Декхар мишта кхоачашду хьожаш вар Къоастой Адам, ТӀумхой Мухьмад, Мартазанаькъан Ӏийса.

Чемпионате бухсоццаш дикагӀчарех лаьрхӀар Саганаькъан Лейла; цо, музеерча суртага хьожаш, кхабилг йиллаяр. Цул совгӀа, хьалхара моттигаш яьхар Коазой Микаила, цун болх бар «ТӀема гӀала», иштта Марзбиканаькъан ИсмаӀала, цо баь болх бар «Барзкъашта етта къаьнара аьшк». Котбаьннарашта массанена тха кулгалхоша совгӀаташ делар», – аьлар Кванториума кулгалхочо Янданаькъан Салмана.

Грамоташ елар Хамхой Мухьмада, Тоачанаькъан Халата, Бузуртанаькъан Султана. Цар даь балхаш дар, «Ший тайпара хилар» ала мегаргдолаш. «Дика чаккхе» яхача даькъе болх дика барах, Албохчанаькъан Заьлмаха белгалваьккхар.