«Оаха вахар хорж» яха берий суртий яхь дӀайихьар ГӀалгӀайче
25.02.2024 18:42
Лоамашта кӀалха уллача Оалкама «Оаха вахар хорж» (бераш наркотикашта духьала) яха берий суртий яхь дӀайихьар, яхаш, дийцар Шолжа кхален администраце «Сердало» газетага.
Кхетачене дакъа лоацаш дар, исбахьален кружокера ялх шергара 14 шерга кхаччалца ха яьнна 12 бер. Бераша шоаш даьхкача сурташ тӀа гойтадар, наркотикашта духьала шоаш хилар.
«Из яхь дӀахьош хилара керттера бахьан дар, зӀамига долча хана денз, уж наркотиках хьадоала во довзаш хилийтар, царна унахцӀенон вахар хьалхадаккхар», - аьлар доал деча даькъ тӀарча администраце.
