Даьхен лорбой денна хетаяь, герз кхоссарах йола яхь дӀайихьар вай мехка
Республикан чухьарча гӀулакхех йолча министерствонна кулгал деча Коробкин Михаила чӀоагӀонца вӀашагӀъелла, герз кхоссарах йола яхь дӀайихьар ЦОБВДЛ ФГКУ УВО ВНГ герз кхувсача тире.
Даьхен лорбой денна, боккхача тӀема котало яьккха 80 шу дизара хетаяь яр из турнир. Из хоам «Сердалога» бир цу моттигера.
«Яхье дакъа лоацаш бар мехкара Ӏаьдала болхлой. Хьалхара моттиг кхаьчар УФСБ болхлочоа, шоллагӀа моттиг полице капитан волча Хьаьшанаькъан ИбрахӀима кхаьчар, кхоалагӀча моттиге хилар полице полковник Буружанаькъан Мурад. Тоабан жамӀа дича хьалхаяьлар УФСБ тоаба, шоллагӀа моттиг МВД тоабанга хилар, Росгварди кхоалагӀча моттиге дӀанийсъелар», - йоах хоамо.
Дипломаш, грамоташ, кубкаш енна; белгалбир котбаьннараш. Гулбеннараш раьза болаш, дӀаяхар из яхь.
