Волейболах йола яхь хилар Илдарха-ГӀалий тӀа
28.08.2023 14:28
Кагирхошта юкъера волейболах йола яхь дӀайихьар Илдарха-ГӀалий тӀа. Укх бетта 30-ча дийнахьа дездергдолча шахьара 28 шу доалача денна хетаяь яр из яхь.
«Шахьара керттерча стадиона тӀа хиннача яхьашка, коталонга кхача гӀерташ къахьийгар спорт езараша. Котбаьннарашта елар грамоташ, совгӀаташ, майдилгаш. Яхьан чемпиона кхаьчар геттара хоза кубок», — йоах тхогарча хоамо.
Шахьара спортах йола ишкол яр из моттиг вӀашагӀъеллар. Цунна гӀо деш хилар шахьара администраци, кагирхой совет.
