Мархий бетта хетаяь яхь дIайихьар вай республике
14.03.2024 10:25
Кагирхошта юкъера эллиной-румий латарах йола яхь дIайихьар Iаьлий-Юрта. Мархий бетта хетаяь яр из моттиг. Из хоам «Сердало» газетага бир, цу латарах йолча федераце зарбан болх лелабераша.
«Из къовсам «Ади-Ахьмад» яхача спорта клуберча спортсменашка котало йолаш чакхъяьлар. ВоккхагIа волча тренера Iарапханаькъан Ислама кулгал деш, 13 майдилг яьккхар цигарча тоабо.
Борза майдилгаш кхаьчар Бузуртанаькъан Мухьмада, Йовлой Саида, Хамченаькъан Сайфудина, Мержой Мухьмада, Къоастой Рахьима. Дотув дихьараш бар Сейнарой Мухьмад, Оздой Салават, Гандаранаькъан Ислам, ГIулой Муслим, Албохчанаькъан Илисхан», - йоах тхогарча хоамо. Эггара лакхагIа долча лагIа тIа баьннарашца бар Мейренаькъан Ахьмад, Сейнарой СаIид, Мейренаькъан Мухьмад-Башир.
