«Дешархошта дийцар наркомани яхача деша маӀан, вахаре цунах мел доккха зулам доал, из лелаерий вахара никъ мел ийрча хул. Кхы кӀезигагӀа терко тӀаяхийта езаш дац кагирхой наркотикаш лелаяра наькъ тӀа балара бахьан, из белгалдаьккхар хьехархоша. Царех цаӀ да хьабе болх цахилар, хьинаре къахьегаш уж цахилар (спортаца дувзаденна), шоай нийсархошта юкъе майрал гойта ловш хилар. Цул совгӀа, берашта дийцар «кӀайча дохьажо» сага унахцӀенонна деш долча зенах», - йоах хоамо. Белгалдаккха деза, ГӀалгӀайче цу тайпара кхетама балхаш цахаддаш дӀахьош да дешара моттигашка, воча гӀулакхашта тӀехьа уж ца балийта дагахьа.