Ерригача Россе берий даьй кхетаченаш дӀайихьар вай мехка
«Росси - са доазув» яха дакъа чулоацаш йола ерригача Россе берий даьй кхетаченаш дӀайихьар вай республике. Хьехархоша берашта дийцар нийса професси харжар, дӀахо ше хьоргболча наькъа хьалххе уйла яр мел лоархӀаме да хӀара дешархочун вахаре. Ишколашка дӀакхухьача тайп-тайпарча, берий кхетам лакхбеш йолча кхетаченашта терко йир вӀашагӀкхетаре.
«Бера нийса хьехам балар, кхоана цо хьалоацаргболча боккхача новкъа вала цунна гӀо дар, чӀоагӀа лоархӀаме да къаьстта тахан. Берашца санна цар даьшца а бувзам лоаттабеш, лакха терко еш дӀабахьа безаш болх ба из», - дийцар тха «Сердало» газетага дешареи Ӏилмани гӀулакхах йолча Министерствонна кулгал деча Боканаькъан Аьсета.
Тахан ишколашка дӀакхухьаш йолча кхетаченаша дешархошта гӀо ду, шоашка товргйола професси харжа, вахаре эггара пайданегӀа долча хӀамашта терко е, цар кхетам чӀоагӀбе. ДӀайихьа даьшцара кхетаче лоархӀаме я берашта, уж кхеберашта. Къаьстта лакха терко е езаш да цу юкъе, професси харжара тӀехьа ший бера новкъостал дар, цун нийсагӀдар хьалхадаккхар.
Массахана шоай бера дагардар тохкаш, моллагӀа цун хала хетача хӀаман тӀехьа гӀо деш, оагӀув хьаллоацаш хилара тӀахьийхар берий даьй. Дешареи Ӏилмани гӀулакхах йолча министерствон болхлоша байтаб видеогойтам.
