Республикан хьалхале яккхара яхьаш хилар спортивни гимнастиках
28.10.2023 22:11
Ардара бетта тӀеххьарча шоатта дийнахьа дӀахьош дола Ерригроссе гимнастика ди хиларах, ГӀалгӀайчен къона гимнасташ гулбелар республикан хьалхле къовса. Низа а хозала а цӀай дӀадихьар, Магасерча Йовлой Берда цӀерагӀча спорта цӀагӀа. Цига дакъа лоацаш хилар 200 совгӀа ерригача республикера къона спортсменаш, цар хьагойтар лакха говзал.
Котбаьннарашта цхьацца совгӀаташ делар, дипломаш, кубкаш, майдилгаш елар. Уж яхьаш вӀашагӀъехкар яр «Гимнастикан академи» оала ДО АНО (деша даха ха яланза долча берий къаьстта йола, ахча даккхарца ювзаенна йоаца моттиг), иштта моттигера «Росси» яха спортивни юкъара отделени», - аьлар «Сердало» газетага ГӀалгӀайчен физически культуран, спорта министерстве.
