УФНС пхе болхлочунна духьала уголовни гӏулакхаш хьадийллад

«Гӏалгӏай Республике гӏолла йолча Российски Федераце Тохкама комитета зуламца дувзаденна гӏулакх хьадийллар, Гӏалгӏай Республике гӏолла йолча Россе УФНС болхлошта духьала. Цар доккхий кхааш ийдарца дувзаденна зулам даьд РФ УК 6 д. 290 ст. (къаьстта боккха кхаъ эцар) «в», РФ УК 3 д. 286 ст. (шоай балха тӏара бокъонаш совъяхарах даь зулам)», - йоах хоамо.

Тохкама болх дӏахьош, гучадаьлар 2022 шера, тушола беттагара тов беттага кхаччалца, мехка йоала моттига коммерчески организаце тӏахьожама болх дӏабихьа хилар, цига ца доагӏаш 277 миллион сом совгӏа ахча даь хилар. Цу коммерчески моттига кулгалхочо йоала гӏулакха болхлошта 45 млн сом совгӏа кхаъ белар, шоаш закон толхадаь хилар цар къайладахьарах. Цу тайпара йоала болхлоша доагӏаш долча законо дӏадехар кхоачашданзар, цар акт оттайир; 1,7 млн сома кхоачамбоацараш нийсделар, аьнна.

Уж ши саг хьалаьца, царна чухьежаб, уж лаьца чубехкаб.

Хьалхагӏа, Гӏалгӏай Республике гӏолла йолча Россе УФНС кхаь болхлочунна духьала балха тӏа кхоачамбоацараш хиларах уголовни гӏулакх хьадийллар. Тахан уж гӏулакхаш цхьа гӏулакх даь вӏашагӏтехар.