Цу комиссена хьалхашка латта декхараш да, кагирхошта юкъе терроризма, экстремизма ийрча гӀулакхаш, цунах доала зулам даржаргдоацаш бола болх дӀабахьар. Цудухьа комиссе доакъашхой каст-каста ишколашка хьехамаш деш хул, цу юкъе иштта дакъа лоацаш ба дин хьехаш бола викалаш. «Цу тайпара аргӀанара кхетаче дӀайихьар Дабий-Юртарча №14 йолча юкъарча дешара ишколе. Дешархошта дийцар, уж цу наькъ тӀа бахара зуламерча организацей доакъашхоша мишта къахьег, къона хилар керте а лоацаш, дешархой харцахьара уйлаш чӀоагӀъяра тӀакхувш хул уж. ДукхагӀча даькъе бувзама гӀирсашка гӀолла беш хул из болх. Дешархошта хьалхадаьккхар, бовзаш боацача нахаца дегӀалбаха къамаьл де мегаргдац, из доккха гӀалат да, цар шоай вахар цу наькъ тӀа доадергда», - ааьнна. Цу тайпара хоам «Сердало» газетага бир МагӀалбика кхален администрацен терроризмаца къовсам лоаттабеш йолча комиссен кулгалхочо Джамболатанаькъан Мухьмада.