ГӀалгӀай мехка, Марха доаста ха тӀакхоачаш, сагӀа доаккхаргда
Марха доаста ха тӀайоагӀаш, доккха сагӀа даккха лаьрхӀад республике, яхаш, дийцар ГӀалгӀай Республикан Кулгалхочун, Паччахьалкхен зарбанболх лелабераша.
3,5 эзар совгӀа болча наха кхачан даарашца новкъостал дергда. Уж цхьацца болча дезалашта дӀадекъаргда: дукха бераш долча дезалашта, заӀапхошта, берашта-бошта, цхьаь бахача боккхийча наха, иштта СВО, бокъонаш лораеш бейнарий дезалашта, цу юкъеболхаш ба таро йоацараш, кхыбараш.
СагӀа даккхара юкъебоагӀаш ба республикан хьинар дола бахархой, юкъарлон болхлой, депутаташ, меценаташ, дикача гӀулакхий ганзаш - «Дикача наьха Клуб», «Тешам».
Цу тайпарча балха ца хилча баргбоацарех ба вай волонтераш. Юртбоахама Министерствонна хьалхашка декхар оттадаьд из лоархӀаме гӀулакх дӀахьоргдола моттиг кийчъе», - аьлар ГӀалгӀайчен Кулгалхочо Келаматанаькъан Махьмуд-Ӏаьлас.
Цо иштта белгалдир, Мархий бетта эггара чӀоагӀагӀа дика гӀулакхаш де дезаш хилар, сагӀа луш, хӀаранеца къахетаме хила везилга.
