«Гоамала, моастагӀала моттиг яц» яха болам дӀабихьар вайцига
07.11.2023 21:26
ГӀалгӀайчен арахьарча бувзамах, къаман политиках, зарбан, хоамий министретсвос, Россе МВД экстремизмаца къовсам лоаттабеча моттигерча центро, лоӀамхой тароний центро цхьана «Гоамала, моастагӀала моттиг яц» яха болам дӀабихьар, яхаш, дийцар «Сердало» газетага мехка къаман министерстве.
«Болам дӀахьош, экстремизмаи терроризмаи духьала къовсам лоаттабара уйла сомайоаккхаш дола каьхаташ дӀа-юха дийкъар. Из вIашагIкхетар дӀахьош дар, экстремизмах хьадоалаш дола зулам довзийтар, кагирхошта юкъе из юхатохар духьа. Кхувш боагIараш, кагирхой цу зулама юкъегIоргбоацаш, экстремизмаца дувзаденнача гӀулакхашта уж юстара хургболаш, хIама де гIертар болам дагабехараш. Цу ийрчача гIулакхашца къовсам лоаттабе безам бале, уж мичара хьадоагӀа ховш хила веза», - аьлар тхога хоам баьчо.
