Боад къовлабелча, бераш лорадарах йола рейд дӀайихьар мехка
28.02.2025 10:43
Ара баьдъелча бераш хехкалуш йолча моттигашка рейд дӀаяхьа арабаьлар МВД болхлой. Из хоам «Сердалога» бир Магасерча администрацера.
«Шелал хьаоттарца геттара чӀоагӀа дарж бераш, машинашта тӀехьатувсалуш, хехкадаларах хьахулаш дола хатараш», - йоах хоамо. Аллеяшка, скверашка лийнача кагирхошца, берашца къамаьл деш, машинаш лелача наькъашка хехкабалар чӀоагӀа кхераме долга хьалхадаьккхар МВД болхлоша.
Иштта, итт даьнначул тӀехьагӀа ялх сахьат даллалца, уллув боккхийбараш боацаш ара лела бокъо йоацилга хьалхадаьккхар кхувш латтарашта.
