Iаьдала болхлоша цхьана марха даьстар
Укх безача параза мархий бетта, «Даьхен лорабой» яхача мехка ганза филиало хьайир ГIалгIай Республике гIолла йолча Росгварде, СВО доакъашхоша, ЧВК викалаша, доалахьарча хьалах, лаьттан гIулакхех йолча Министерствос, иштта «Россе тIема хьала ветеранаш» яхача гIалгIай отделене тоабаша цхьана марха доастаргдола моттиг, яхаш, дийцар «Сердало» газетага ганза зарбан болх лелабераша.
«Эггара хьалха цу тайпара дика гIулакх дагадехар вар «Даьхен лорабой» яхача моттигерча ганза кулгалхо Оздой Муслим. Цу гIулакха раьза хилар балха новкъостий а.
Шоай сайре хьаьшаша дIайолайир марха дастарца, маьркIажа ламаз дарца. Истолаш тIа оттадаьдар дукхагIча даькъе къаман даар. Шоайла болхлоша пхьора тIехьа даь къамаьлаш дар; тахан берашта луш бола кхетам, Даьхенцара безам совбоаккхаш хилийтара тIадерзадаь», - аьлар хоам баьчо.
Белгалдаккха деза, кхетаче чакхйоалаш баркал оалаш дола дешаш аьлар Росгварде УВО кулгалхочо Къоастой Беслана; «Россе тIема хьала ветеранаш» яхача гIалгIай отделене кулгалхочо Иленаькъан Беслана; доалахьарча хьалех, лаьттан гIулакхех волча министра Вешкарнаькъан Мурада.
