ГӀалгӀайче хьежар, культуран моттигашкарча хоржамий кийчонга
ГӀалгӀайчен культуран министр Лаьнанаькъан Зарема хьежар, Россе президента хоржамаш дӀадахьара мехка культуран чуйоагӀача моттигашка хоржамий балхага кийчо мишта яьй. Ше из болх дӀахьош, цо мах оттабир, кхадж тасса хьабоагӀача наха дола хьалаш лерттӀа вашагӀдехка хилара, иштта цу даькъ тӀа кхерамзлен Ӏалашо яра. Министра теркалдир, эшаш болча гӀирсаца Ӏалашо яь хилар.
«Кхадж тассара кийчъяь еррига моттигаш я гӀишлон хьалхарча этажаш тӀа, из эшаш да дика лелалуш боацача наха. Иштта хоржамаш дӀахьоча даькъ тӀа, массанахьа Ӏалашо яьй ламаза цӀеношца, лорий новкъостал дара, кхы а дукха наха эшаш долча хьалашца», - аьлар «Сердало» газетага ГӀалгӀай культуран министерствон зарбан болх лелабераша.
Лаьнанаькъан Заремас белгалдир, ГӀалгӀай доазон тӀа хоржамаш дӀахьу паргӀата, безаме. Из дукхагӀча даькъе культура болхлоша лерттӀа цу деша къахьегар бахьан долаш нийслу. Министра аьлар Россе президент хоржаш а иштта хургда, республикан берригача бахархой таро хургья цу лоархӀамеча политически вахаре шоай дакъа юкъедахьа.
