Чайтоангаца къиза хиннаб яхар бакъдий тохкаш ба Гӏалгӏай мехка
Интернета бувзамашка гӏолла хинна, хьайбашта къизал лоаттаяра хоам тохкаш ба, яхаш, дийцар «Сердало» газетага республикан тӏахьожама боахаме.
«Гӏалгӏай Республикан прокуратуро вӏашагӏбеллар тӏахьожама болх. Из болх дӏахьош хилара бахьан да, ший доалахьа оакхарий леладеш волча цхьан сага «снюс» оала молха чайтоанга еннай яха хоам Интернете гӏолла лелаш хилар», - аьлар хоамо.
Из болх дӏахьош, тӏахьожама боахама викалаша шоай мах оттабергба цу моттига, федеральни законо дӏадехача беса. Иштта тохкаш да оакхарий хьалувцар, уж шоай доалахьа леладар законах доагӏаш дий. РФ Уголовни кодекса 245 статьях (хьайбашца къиза хилар), уж леладара хьалашка хьежжа, бехк бергба.
Прокурора, из гӏулакх теркалдеш, ший оагӏорахьара болх дӏахьоргба. Гӏалгӏай Республикан прокурора Васильченко Андрея тӏахьожам болаш да из.
