Гӏалгӏай мехка «Денала урокаш» яха мехкагадоаккхачун болам ба дӏахьош
Гӏалгӏайчен къам мехкахдаккхарах болча дагалоаттама моттиге дӏахьош я «Денала урокаш» яха Даьхенцара безам совбоаккха болам. Цо кагирхой тӏахьех Исторически дагалоаттам лорабара, иштта Даьхен исторен турпала оагӏонаш йовзара.
«Сердало» газетага, из болх вӏашагӏбеллараша ма аллара, аргӏанарча кхетачене дакъа лоацаш хилар Ӏаьлий-Юртарча №1 йолча лицея ворхӏлагӏча класса дешархой. Экскурси дӏахьош хиннача Малсаганаькъан Хьавас дийцар дешархошта Сийлахь- боккха Даьймехка тӏом латташ Котало яккхара гӏалгӏай къам новкъостал лоаттадеш, денал гойташ, Даьхе лораеш хьадена хиларах, уж майрала исторен оагӏонаш вай вахаре тахан а гуш хиларах.
«Денала урок» дӏахьош дийцар цӏихезача Гӏалгӏайчен бахархоех Малсаганаькъан Ахьмадах, Къоастой Ширванех, Оздой Мурадах, Гӏудантанаькъан Русланах, Барханой Умат-Гирех, Цхьорой Ӏаддалах.
Къаьстта дувцар кийчдаьдар Тутайнаькъан Аьсетах - хьалхарча гӏалгӏай кхалсагах-лорах. Из яр лорий ӏилмай кандидат. Тӏом дӏаболабелча; из, ший лоӏам болаш, тӏем тӏа яхар, из кулгал деш яр бактериологически тӏема госпитала лабораторена. Цо кӏалхарбоахар тӏем тӏа човнаш хинна лозабаь бӏухой. 1943 шера цунна елар лорий амал дара майора цӏи, 1944 шера, ардара бетта цун, цӏаьхха, ялар хилар, ше яллалца ший профессиональни декхар дика кхоачашдеш а хилар.
Вӏашагӏкхетар долаш, берашта дийцар цӏихезача 255-ча къаьсттача Нохч-Гӏалгӏайчен кавалерийский сурах, иштта Советски Союза Турпалхой болча кхыча бӏухоех.
Турпалхой цӏераш дагалоаттаяр лоархӏаме да тахан кагирхошта, Даьхенцара безам совбоаккхаш, кхетам балара.
