СВО ветераний могашал меттаоттаеш йола программа я мехка дӀахьош
СВО доакъашхой могашал меттаоттаяра тӀехьа, мах боацаш санаторни-курортни дарба де цар аьттув хургболаш, программа я Россе Вахара ганза вай мехка йоаржаеш. Шу доладелча денз, мехкарча цу оагӀонцарча 12 моттиге шоай могашал меттаоттае йиш йолаш хургба бӀухой.
Мехкадаь зарбан болх лелабераша белгалдечох, хӀара бӀухочун дегӀа хьал теркалдеш, хьахержача программага гӀолла дарба деш хургба уж. Иштта цу моттигашка дерригача дегӀа унахцӀенон хьал малагӀча боараме да хьожаш чакхбоахаргба уж. Къаьстта йоккха терко ергья Россе Турпалашта, 1 группа заӀапхошта, аргӀа хьакхачарга ца хьежаш чакхбала аьттув ба цар.
Белгалде деза, санаторни-курортни дарба кхаь кӀирага кхоачаш хила йиш йолга, иштта цу программага гӀолла чакхвала йиш хургья хӀара шера. ХӀара сага дарба деш йоаккха ха лораша оттадаьчунга хьежжа хургья.
«Даьхе лораеш лаьттача наха эшар Ӏалашдеш, цар гӀулакхага хьожаш хила деза вай тахан. ХӀара ветерана ханнахьа, боаггӀача боараме гӀо лоаттаде деза!» - белгалдир ший вахара оагӀонашка мехкадас Келаматанаькъан Махьмуд-Ӏаьлас.
