Республикан Конституце 30 шу дизара хетадаь хьажар дӀахьош да вай мехка
26.02.2024 12:52
ХӀанзчул 30 шу хьалха, 1994-ча шера саькура бетта 27-ча дийнахьа, вай республикерча къамаша референдуме тӀаийцар ГӀалгӀай Республикан Конституци. Цу денна хетабаь видеохьажар кийчдаьд вай мемориальни комплекса болхлоша.
«Цига хьокха оттаяьй Конституце текст, паччахьалкхен дезадараш, Конституци хьакхоллара исторен хетадаь книжкаш. Хьажаре баьхкарашта довзаргда, 30 шу хьалха массане хержача законо вай мехка юкъедоаладаь вахара-политически, экономически оагӀонца дувзаденна хувцамаш», - дийцар «Сердало» газетага хьажар кийчдаьраша.
