Цу турпалхочунна карагӀдаьннар, цун вахар дувцаш ба гойтам. Укхаза го йиш я Бек-Боранаькъан ротмистра шийна тӀадилла декхар дика кхоачашдеш хиннилга, Россе тӀема исторенна цо дика дакъа юкъедихьа хилар.

«Лоаман лаьчаш» яха гойтам, безам тӀаозаш ба Ӏилманхой а иштта истори дезарий а, царна дика довзаргда цу ханашка денал долаш хиннача турпалхошта карагӀдаьннар», - аьлар «Сердало» газетага ГӀалгӀайчен культуран министерствон зарбан болх лелабераша.

«Лоаман лаьчаш» яхача гойтама юкъе дувц, Бек-Боранаькъан Зоврбика Султанбиках лаьца. Цига хьажархой таро хургья Кавказа моттигерча дошлой бӀенах лаьца кердадараш дукхагӀа довза, Хьалхарча дунен тӀем тӀа хиннача исторе оагӀонаш го.

Цига хьажа безам болча кагирхой таро я Пушкина картах баха, гойтам дӀахьоргба наджгоанцхой бетта 20-ча денга кхаччалца.