ГӀалгӀайче «герга истолаш» ду, кхааш ийдар дувцаш
ГӀалгӀайче, «герга истолаш» оалаш йола кхетаченаш вӀашагӀйохкаш я, кагирхошта юкъе кхааш ийдара боарам лохбе дагахьа, яхаш, дийцар «Сердало» газетага ГӀалгӀай Республикан кагирхой гӀулакхех йолча комитета болхлоша.
«ГӀалгӀай Республикан кагирхой гӀулакхех йолча Комитета, кхааш ийдара, кхыйола бокъонаш телхаяра духьала болх дӀахьоча урхаллен викалаша кхувш боагӀарашца «Кхааш ийдар дац» яхача кӀоаргача уйланца болх дӀахьу.
Кагирхоша дукхагӀа пайда эцаргболаш, уж кхетаченаш дӀахьош я каст-каста. Укхаза дувц, кхааш ийдар меттел, кхыдола кхувш боагӀараша деш дола зуламаш, законах йоацаш кагирхоша вӀашагӀъехкача тоабаех», – аьлар газета корреспондентага.
«Цу тайпара кхетаченаш дӀаяхьар чӀоагӀа лоархӀаме да, кхааш телара даькъ тӀа латташ дола ийрча гӀулакхаш юхатохара. Из болх кагирхошца дӀабихьачул тӀехьагӀа, царна из накъадоалш хул», – аьлар кхетачене дакъа лоацаш хиннача Янданаькъан Ахьмада.
