«Библиотекан болхлочо берашта довзийтар уж унзарча деношца дувзаденна каьхаташ, исторен оагӀонаш, цу хатарах даь йоазонаш, из дагадоагӀарий а бӀаргадайнарий а дувцараш. Цу чоалханерча материалаш тӀа го а хьахаза а йиш яр гӀалгӀай къаман вахаре нийсъеннача къизалах, царга бенача балах лаьца дола хоамаш. Цу деношка бехк боацаш боабаьрех, къизал яхьаш лийца баьхкарех, шоай фусамех беха эзараш-эзараш ара юккъе бисарх дувцаш дар дийца йоазош», - аьлар «Сердало» газетага из кхетаче вӀашагӀъеллараша. Книжкай гойтамца яр, таханарча денга кхоачаш, Пригородни кхален чухь, Владикавказ-Шахьаре де доацаш байнарий, боабаьрий цӀераш, цар сурташ. Ардара бетта 30-ча дийнахьа, Пригородни кхале из хатар хинна аргӀанара шу доалаш, таьзета кхетаченаш дӀахьоргья, цига дагалоацаргба 1992 шера байнараш.