Шоай хIама хьадераш Iомалуш ба
09.11.2023 00:16
«Шоай хIама хьадар» яха федеральни партийни проект дIахьош, республикан шоай г1улакх хьадийлларий семинараш дIахьу единороссаша. Укх деношка цу тайпара цхьа моттиг хилар Магасе. Цига дакъа лоацаш вар «ЦаI йолча Россе» моттигерча исполкома кулгалхо Кхоартой ИбрахIим, «Доалахьара хIама хьадар» яхача моттигерча проекта болх лелабу Осканаькъан Мухьмад. Цох хоам бир «ЦаI йолча Россе» республикан отделене зарбан болх лелабераша. ЗIамига, юкъера бизнес лелаерашца шоаш кхетаче дIахьош,единороссаша дийцар тахан шоай доалахьара хIама хьадоладаьча нахá дагадоахкаш дола дешаш.
«ДукхагIча даькъе дийцар бизнес лелаеш, йоал теларах долча деша (УСН с 6 процентагара 2% кхоачаш), вайцига инвестицеш юкъеяхара. Теркам тIабахийтар «доалахьара х1ама хьадар», «Баьццара экономика», «Хьайна гаргадар харжа» яхача проекташта, вайцига бизнес лелаеча нийслуш долча кхоачамбоацарех дийцар», - аьлар «ЦаI йолча Россе» гIалгIай отделене.
АргIанара цу тайпара Iомабалар дIадихьар укх деношка Наьсарен кхален хIама хьадеча нахаца, Эккажкъонгий-Юртарча культуран цIагIа.
