Дадахача шерашка даь 57 зулам гучадаьккхар вай республике
ГӀалгӀай мехка 2023 шера тохкамхоша дӀабихьача балхо дӀадахача шерашка даь хинна 57 зулам гучадаьккхар, царех 9 уголовни гӀулакхашца дузаденна да, 25 геттара чӀоагӀа даь зулам санна лоархӀаш да, яхаш, хоам бу «Сердало» газетага ГӀалгӀай Республике гӀолла йолча Россе СК СУ.
«Цунах дийцар, дӀадахача шерашка даь зуламаш тахкара бола болх бувцаш, боахамашта юкъерча аналитически тоабо. Из дӀайихьар ГӀалгӀай Республике гӀолла йолча Россе СК СУ, цунна кулгал деш вар урхаллен кулгалхочун декхараш кхоачашдеш вола Котанаькъан Шамал. Иштта теркам тӀабахийта беза аьлар, бокъонаш лораеча болхлоех лечкъаш лелараш лахара гӀулакх тоадара», - йоах хоамо.
Цу лоархӀамеча кхетачене дакъа лоацаш хилар ГӀалгӀай Республике гӀолла йолча МВД тохкама урхалленна чудоагӀача доакъой болхлой. Ше къамаьл деш Котанаькъан Шамала белгалдир, дӀадахача шера, къаьстта чӀоагӀа а геттара чӀоагӀа а даь зуламаш гучадоахаш баь болх; Россе СК органий керттера ба, аьнна; из да цу наха йоагӀаш йола кхел ца еш юсаргйоацилга.
Кхетаче дӀахьош, белгалдир профессиональни балха тӀа даьха толамаш хилар, баьча балха боаггӀаш бола мах бир.
