ГӀалгӀайче тохкаш да, лелабе бокъо йоаца технически гӀирс лелабар
ГӀалгӀайчен Магасе тохкаш да, лелабе Ӏаьдало бокъо луш боаца технически гӀирс лелабар, яхаш, дийцар «Сердало» газетага ГӀалгӀай Республике гӀолла йолча Россе СК СУ.
«Уголовни гӀулакх хьадийллад моттиге вахарчунна духьала. Бокъонаш лораераша яхачох, Сурхо тӀа 2023 шера аьтинга бетта 19-ча дийнахьа, Наьсарен кхале оперативно-тохкама болх дӀахьош волча полице болхлочунга, лаьрххӀа къайлагӀа хоам хара лелабеш бола технически гӀирс бехкар; цунца WӀFӀ-гӀолла сурташ дӀадохьийташ, видео хоам беш болх бу.
Из лаьрххӀа къайлагӀа бола хоам гучабаккхара лелабеш бола технически гӀирс ба, лаьрххӀа йола лицензи йоацаш лелабе бокъо луш а бац из», - аьлар Ӏаьдала болхлоша.
Карарча хана, тохкамхой къахьегаш ба из цунга мичахьара кхаьчаб а мишта кхаьчаб а хьожаш, цунна экспертиза йоаккхаш.
