Iаьдал тохкам беш да, 52 шу даьнна мехкахо верах долча гIулакха
29.07.2026 12:10
Шолжа кхален Тохкама оагIон болхлоша гIулакх хьадийллар, 52 шу даьнна саг верах. РФ УК 1-ча даькъа 105-ча ст. бехктокхаме озаргба цу гIулакха бехкебараш.
«Тохкама оагIон болхлоша тахан белгалдечох, 2026-ча шера ахкан шоллагIча бетта 29-ча дийнахьа, малав ца ховча сага, цIагIа чуваьнна, герз дийттад 52 шу даьннача вахархочоа. Из саг човнех цу моттиге веннав. ХIаьта зуламхо къайлаваьннав», - дийцар «Сердалога» мехкарча Тохкама оагIон болхлоша.
Тохкамхой-криминалисташ, СК моттигерча оагIон кулгалхо хьакхаьчар зулам хиннача. Дийттача герза пхорч хьагулдаь, кхыдола цу зуламца хоттаденна хIамаш теркалдеш хилар уж. Зулам деча хана цига хиннача нахаца къамаьл деш ба уж тахан.
