«ДукхагӀа дола хаттараш дувзаденна дар СВО байнача бӀухой цӀерагӀа урамех цӀераш тахкарца, коммунальни хьалех йоагӀаш йолча льготашца, субсиди вӀаштӀехьадаккхарах. Гулбеннарашта дӀайовзийтар цар бокъонаш, царна уж хаттараш кхоачашдара новкъостал дергдола саг а белгалваьккхар. Наха хьалхадаьккхар; хӀанз укх сахьате, бахархоша шоаш, бокъонах доацаш, дӀалаьца лаьтташ мукъадоахаш болх дӀахьош ба, аьнна. Уж шоана дӀадекъа таро хургья, царгара хьа а даьха, бокъонах хила дезача беса Ӏаьдалга уж дӀачуденначул тӀехьагӀа. Гулбеннарашта хьалхадаьккхар, лаьттанна меттел, безам барашта, 400 000 эзар сом ахча лургда, аьнна», - хоам бир «Сердало» газетага МагӀалбика доал деча даькъ тӀарча администраце зарбан болх лелабераша. Цига дакъа лоацаш хиннача лаьрххӀача тӀема операце доакъашхоша баркал аьлар; мехка Ӏаьдало шоай дезала даим новкъостал лоаттадеш, кхыдолча хаттарех терко еш хиларах.