«Юххьанцара лорий дарбанче кердаяккхар» яха программа кхоачашъю вайцига
02.02.2024 09:23
«Юххьанцара лорий дарбанче кердаяккхар» яха паччахьалкхен программа 2021 шера дӀайолаелча денз, республикан дарбанчешта дика новкъостал лоаттадаьд, из вайна гуш а да. Дукхача юрташка кхаьчад уж кердадараш, кхыметтел гаьна ядача юрташка а.
Юххьанцарча лорий дарбанчешта, 11 керда машин еннай. Кхо моттиг цӀенхаштта тоаяьй. Ийс моттиге болх беча лорашта 94 лорий гӀирс беннаб. Хьалъяьй лорий амбулатори. Хьалъеш латт ФАПаш.
ГӀалгӀайчен паччахьалкхен зарбан болх лелабераша яхачох, кхы а 10 автотранспорт хьая езаш я лорашта лаьрхӀа.
