«Йита турпалхочун цӀи» яха ерригача Россе моттигашка дӀахьош йола проект хьаллаьцар республике
23.04.2024 10:28
«Йита турпалхочунна цӀи» яха, боккхача тӀема доакъашхой цӀераш дийнъеш йола ерригача Россе проект я республике дӀахьош. Из гӀулакх хьаллоацаш, каст-каста къахьегама шоатта дӀакхухь вай мехкара сийленгаш, мемориальни улгаш долча моттигашка. Из хоам «Сердало» газетага бир цу балха хьалхалаттараша.
«Бахархоша, дог раьза долаш, хьаллоац цу тайпара гӀулакх. Укх деношка, Наьсарера тӀема доакъашхой мемориале кулг тохаш, лостам беш хилар «Даьхен лорабой» яхача ганза болхлой, шоашца «Къона эскархой» болаш.
Дерригача доазон тӀа лостам баьчул тӀехьагӀа, боалий гаьнаш дӀаегӀар цига гулбеннараша. Мемориале зизаш доахкаш, чакхдаьлар бӀаьстанара къахьегама шоатта.
