«Илдарха-ГӀала-Яндаре» яха никъ тоабергба мехка
12 км гаргга бола «Илдарха-ГӀала-Яндаре» яха никъ тоабеш латт мехка. Керда асфальт Ӏобилларал совгӀа, цу наькъаца дувза мел деннараш а хувца лерхӀ цига. Вахара моттигаш тоаярах йолча къаман проектага гӀолла, дӀахьош ба из боккха болх. Илдарха-ГӀала, Яндаре шоайла хотташ ба из никъ; цул совгӀа, кхо ишкол я цу наькъа оагӀонца.
Керда никъ Ӏобилларо дикка тоадергда цигара кхерамзлен оагӀонца дувзаденнараш, хӀаьта из чӀоагӀа лоархӀаме да цига бахача наха», - белгалдир вай Мехкадас Келаматанаькъан Махьмуд-Ӏаьлас.
«Итт шу совгӀа ха яр из никъ тоа ца беш латта, бахархоша из тоабе яхаш дехар ду тоъал ха яр, цунга хьежжа лоархӀамеча декхарех дар цун хьал меттаоттадар», - белгалдир мехкадас. 2026-ча шера маьтсела бетта кийча хургба никъ, Дала аьннадале.
