Укх шера кхолха даь бераш да ГӀалгӀайче
30.08.2023 12:11
ГӀалгӀайчен перинатальни центре диазлагӀа нийслу, кхолха бераш деш. Вайна дагайоагӀа укхаза хьалхара кхолха бераш даь хинна ха, царех Пайхамара (АллахӀо къайле цӀенйойла цун) асхьабий цӀераш техкаяр.
ХӀанз ГӀалгӀайчен лаьтта гӀолла кхы а чӀоагӀдаланза дола берий когаш Ӏолувзаш да. Уж ба Абубакар, Ӏаьла, Ӏумар.
Юха а вайга кхаъ бера, ерригача республикан цунах дикахетар а хулаш, Йовлой дезале ираз чудессар, ши йиӀиг, цхьа кӀаьнк ваь хиларах, яхаш, дийцар «Сердало» газетага ГӀалгӀай Республикан паччахьалкхен зарбан болх лелабераша.
«Эзача, берий юкъара дозал да 6 кийла, 88 грамм; хӀаранена 2 кийла совгӀа кхоачаш. Юххьанца денз, лаьрххӀа долча хьалашка доал даьд царна, эшаш дола хьалаш лоаттадеш», — аьлар республикан министрий кабинете.
