«Денала кӀира» яха болам хьаллоацаш, дӀахьош болх ба из. «Иштта йолча кхетаченашка берашта дувц, вай къаман белгалбаьннача турпалех, сийдолча гӀулакхех. Хьалкхувш латтача тӀехьенна дика, сийдола оагӀув дӀахьокхаш, беркатеча хӀаман уж тӀахьехаш, хила деза вай», - дийцар полице майор волча Доврбиканаькъан Хьасана.

Росгвардейцаша берашта дийцар шоай балхах, балхара декхараш кхоачашдеш вахар хаьдача къаман сийдолча къонгех. Къаман исторе цӀаккха а бицлургбоацаш баха бисача, деналах биза хиннача мехкахой цӀераш дӀайовзийтар цар кхувш латтарашта.

Иштта берашта яйзар, РФ къаман гварде бӀенах йола лакхера дешара моттигаш. Цига деша отта безам болча сага кхоачашде дезарех дийцар царна эпсараша. Терроризма, экстремизма духьале еш дӀабахьа безача балхах, интернете гӀолла доаржадеча цу оагӀонцарча хӀамаех лоравала везилгах дийцар дешархошка.

Хозача гӀулакхашта тӀакхувш, тӀагӀертта дешаш дӀадаха аьттуви низи хилба шун, аьнна, даькъалабийцар уж росгвардейцаша.