ГӀалгӀай мехка лаьгӀденнад зӀамига бераш довр
18.03.2025 22:31
ГӀалгӀай мехка дикагӀа хулаш доагӀа унахцӀенон даькъ тӀара хьал: укх тӀехьарча ялх шера зӀамига бераш довш хилар белггала кӀезигагӀа да. Цу тайпара, «УнахцӀено» яха къаман проект кхоачашъеш, берашта лорий новкъостал дара болх дикка тоабаьб.
2024 шера зӀамига бераш довш хилар 5,0 промилле яр, из кӀезигагӀа да, кхы дукха деце а, 2023 шера хиннача 5,1 промиллега хьежача.
Цул совгӀа, ГӀалгӀайче дика дӀахьош ба профилактика болх, керда гӀирсаш да дарбанчешка, лорий говзал лакхъеш я даим.
«Берий могашал тоаяра йола оагӀув дӀахо а дегӀайоагӀаш хургья, массайолча оагӀорахьа кхувш йоагӀа тӀехье дегӀайоалаяра», - аьлар ГӀалгӀайчен кулгалхочо Келаматанаькъан Махьмуд-Ӏаьлас.
